Grupi për Studime Mjekësore dhe Ekologjike i ka dorëzuar Ombudspersonit në Kosovë, raportin mbi shkeljen e të drejtave të pacientit në njërën nga Qendrat e Mjekësisë Familjare në Prishtinë.

Ankesa ligjore e Grupit, e drejtuar në Ombdusperon është vlerësuar pozitive. Institucioni i Ombudspersonit ka vendosur që të nis hetimet zyrtare në Qendren e Mjekësisë Familjare nr. 5, e më pas të marrë veprimet e nevojshme në lidhje me rastin e hulumtuar nga Grupi.

Prandaj, veprimet e Ombudsperonit do të merren në përputhje me kërkesën ligjore të bërë nga gupi, i cili në mënyrë të veçantë kërkon që të inicohen masa diciplinore ndaj stafit mjekësor, të cilët në këtë rast, konsiderohen të kenë pasur sjellje të papërgjegjshme ndaj pacientit.

Si instancë e fundit, Ombudspersoni do të mbajë përgjegjësi ligjore për të caktuar masat e duhura ligjore, të cilat do t’i jepnin fund kësaj çështje të veçantë. Në të njëjtën kohë, kjo çështje mund të konsideroht edhe si një hap mjaft i suksesshëm i Grupit, karshi marrëdhënieve me institucionet në vend.